"Socket" şirkətinin kibertəhlükəsizlik sahəsindəki tədqiqatçıları proqram təminatı təchizat zənciri vasitəsilə hücumlar üçün nəzərdə tutulmuş yeni "Hades" zərərli proqram təminatını aşkar ediblər.

"Sizinxeber.az" xəbər verir ki, bu barədə "Tom's Hardware" portalı məlumat yayıb.

"Hades"in xüsusiyyəti süni intellekt təhlil sistemlərini aşmaq üçün qeyri-standart mexanizmdən istifadə etməsidir. "jаvascript" fayllarında mütəxəssislər süni intellekt analizatorlarına ünvanlanmış təlimatları olan şərhlər tapıblar. Onların içində nüvə və bioloji silahların yaradılması ilə bağlı təxribat xarakterli sorğular var idi, bu səbəbdən də bəzi modellər zərərli kodun təhlilinə çatmamış faylın emalını dayandırırdı.

Tədqiqatçıların məlumatına görə, fayllardan biri "Anthropic"in "Claude" çat-botu tərəfindən yoxlanılarkən, analiz doğrudan da modelin təhlükəsizlik sistemi tərəfindən dayandırılıb.

Bununla belə, ənənəvi kibermüdafiə metodları "Hades"i uğurla aşkarlamağa davam edir. Xüsusilə, söhbət siqnatur analizindən, mənbə kodunun öyrənilməsindən, şübhəli fraqmentlərin axtarışından və nümunələrin təcrid olunmuş mühitdə işə salınmasından gedir.

Ekspertlər qeyd edirlər ki, zərərli proqram təminatının müəllifləri digər üsullarla da gizlənirlər. Zərərli yük "Python" skriptləri və ayrı-ayrı binar fayllar arasında bölünə bilər, bəzi komponentlər isə yalnız kod hədəf layihədə icra olunduqda aktivləşir.

"Hades"in əsas məqsədi tərtibat mühitinin təhlükəsizliyini pozmaqdır. Zərərli proqram "npm", "PyPI", "RubyGems", "JFrog", "Kubernetes" və AWS daxil olmaqla xidmətlərin və alətlərin uçot məlumatlarını və tokenlərini oğurlayır. SSH açarları, "Docker" konfiqurasiyaları, .ENV faylları, terminal komandalarının tarixçəsi və süni intellekt alətlərinin parametrləri də təhlükə altındadır.

"Socket"in məlumatına görə, hazırda yoluxma 37 "Python" paketində və 106 "jаvascript" paketində aşkarlanıb.

Oxşar xəbərlər

Google reklamları və süni intellekt üzərindən Mac kompüterlərə VİRUS yayılır

“Microsoft”un süni intellektləri virusları zərərsizləşdirməyi öyrənib

Ermənistanda süni intellekt nazirliyinin yaradılması planlaşdırılır

Maskın "Grok" çat-botu yüzminlərlə istifadəçi söhbətini internetə sızdırıb

Azərbaycanda süni İntellekt sahəsində yeni dövlət standartı qəbul edilib