Qaxda güclü külək bir yaşayış evinin dam örtüyünü qoparıb, nəticədə əşyalar leysan suları altında qalıb.

APA-nın Şimal-qərb bürosunun məlumatına görə, saat 17:00 radələrindən etibarən ölkənin şimal-qərb bölgəsində hava şəraiti kəskin dəyişib.

Zaqatala, Qax, Şəki və Oğuz rayonlarında güclü küləklə müşayiət olunan qısa müddətli leysan yağıb, bəzi ərazilərə dolu da düşüb.

Qax rayonunun Qaxbaş, Qaxingiloy, Ağçay və İlisu kəndləri istiqamətində güclü külək müşahidə olunub. Qaxingiloy kənd sakini Kulaşvili Varobyona məxsus fərdi yaşayış evinin dam örtüyü külək nəticəsində qoparaq kənara atılıb. Evdəki əşyalar leysan nəticəsində yararsız hala düşüb.

Qopan dam örtüyünün bir hissəsi qonşu evə də ziyan vurub.

Güclü külək rayonun digər ərazilərində də ağacların budaqlarını qırıb, bəzi yaşayış məntəqələrində isə elektrik enerjisinin verilməsində qısa müddətli fasilələr yaranıb. Artıq əksər ərazilərdə enerji təchizatı bərpa olunub.

Oxşar xəbərlər

Zaqatalada güclü külək yaşayış binasının dam örtüyünü uçurub

Güclü külək şimal-qərb bölgəsində bir sıra fəsadlar törədib

Zaqatalada leysan yağışları fəsadlar törədib - VİDEO

Şimal-qərb bölgələrində qarın hündürlüyü 1 m-ə çatıb, hərəkət çətinləşib

Güclü külək Oğuzda fəsadlara səbəb olub