2024-2025-ci tədris ilində Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrinin IX siniflərini 46 min 406, XI siniflərini 33 min 517, XII siniflərini isə (əyani-qiyabi tam orta məktəb və qiyabi sinifləri) 138 nəfər bitirir.

"Report" xəbər verir ki, bu barədə BŞTİ məlumat yayıb.

Qeyd olunub ki, paytaxtdakı ümumi təhsil müəssisələri üzrə 38 min 206 nəfər I sinfi başa vurur.

Cari tədris ilində BŞTİ-nin tabeliyindəki ümumi təhsil məktəblərində 513 min 923 şagird təhsil alır.

BŞTİ-nin tabeliyindəki ümumi təhsil məktəblərində ümumilikdə 30 min 169 müəllim fəaliyyət göstərir.

2024-2025-ci tədris ilində paytaxt üzrə 287 ümumi təhsil məktəbində fəaliyyət göstərən 1 048 məktəbəhazırlıq qrupuna 22 min 781 uşaq cəlb olunub.

Qeyd edək ki, BŞTİ-nin tabeliyində 344 ümumi təhsil müəssisəsi fəaliyyət göstərir.

Oxşar xəbərlər

Bakı məktəblərini 80 mindən çox şagird bitirir

Yeni tədris ilində Bakı məktəblərində yarım milyondan çox şagird təhsil alacaq

Bu gün 132 mindən çox uşaq birinci sinfə gedəcək

Bakıda 148 nəfər XII sinif təhsil alır

BŞTİ-nin tabeliyindəki məktəblər üzrə 513 mindən artıq şagird təhsil alacaq