Azərbaycanda hazırda bir uşağın illik məktəbəqədər təhsil xərci 4 min 200 manata başa gəlir.

“Report” xəbər verir ki, bunu elm və təhsil naziri Emin Əmrullayev parlamentin Aqrar siyasət, Ailə, qadın və uşaq məsələləri, Elm və təhsil komitələrinin birgə iclasında gələn ilin büdcə zərfinin müzakirəsi zamanı deyib.

O qeyd edib ki, məktəbəqədər təhsil müəssisələrində əlçatanlıq məsələsi nson 3 ildə 16 faizdən 40 faizə çatdırılıb:

“Bizə ayrılan büdcə vəsaitinin böyük hissəsi məhz məktəbəqədər təhsil hissəsinin artırılmasına yönəlir. Ölkədə hər il 120 min uşaq doğulur. Yəni biz bir yaşı saymasaq, yarım milyon uşağı məktəbəqədər təhsilə yönəltmək istəsək, cari ildə xərclərimiz iki milyard manat olar.

Əgər bu realdırsa, biz bu söhbəti davam etdirə bilərik. Lakin bu məsələdə reallıq görmürüksə, həmişə alternativ modellərdən danışacağıq. Yəni bu kifayət qədər böyük xərclərdir. Nazirlik hazırda məktəbəqədər təhsilin əhatəliyini artırmaq məqsədilə məhz həmin alternativ modellər üzərində işləyir”.

Oxşar xəbərlər

Nazir: Məktəbəqədər təhsil müəssisələri uşağın saxlanc yeri olmamaldıır, bura təhsil müəssisəsidir

Emin Əmrullayev Özbəkistanın məktəbəqədər və ümumi təhsil naziri ilə görüşüb

Gələn il bağçalarda dövlət-özəl əməkdaşlığı pilot layihə kimi tətbiq olunacaq

Agentlik: 2026-cı ilədək bağçalara uşaq qəbulunun sayı artırılacaq

Məqsədimiz kimisə pis vəziyyətdə qoymaq deyil