Latviya Azərbaycanla tinglərin yetişdirilməsi və istehsalı üzrə birgə müəssisənin yaradılmasında maraqlıdır.

Bunu Latviyanın kənd təsərrüfatı naziri Armands Krauze "Sizinxeber.az"a müsahibəsində bildirib.

"Meşə sektoru inzibati olaraq kənd təsərrüfatı sahəsinə aiddir və biz ting istehsalı üzrə birgə müəssisənin yaradılması imkanlarını nəzərdən keçirməkdə maraqlıyıq. Bu, Azərbaycana meşələri daha sürətli və daha az xərclə bərpa etməyə imkan verə bilər. Bu, həqiqətən vacib istiqamətdir. Ağac növlərindəki fərqlərə baxmayaraq, tinglərin yetişdirilməsi və meşələrin bərpası texnologiyaları bir çox cəhətdən universaldır. Məhz bu sahədə səmərəli əməkdaşlıq üçün böyük potensial görürük", - nazir qeyd edib.

O vurğulayıb ki, Latviya tullantıların emalı sahəsində Azərbaycanla əməkdaşlığın inkişafına ümid edir.

"Mən Bakıda COP29 iqlim konfransında (2024-cü ilin noyabrında - red.) iştirak etmişəm, tədbirdə ölkəmizin özəl şirkətlərinin nümayəndələri də olub. Bu sahədə əməkdaşlığın daha da inkişaf etdirilməsinə ümid edirik. Dövlət də öz tərəfindən zəruri dəstəyi göstərməyə hazırdır. Bu, həqiqətən vacib istiqamətdir, çünki tullantıların idarə olunması birgə həll yolları tələb edən qlobal problemlərdən biri olaraq qalır", - Krauze bildirib.

Müsahibənin tam mətni ilə bu link vasitəsilə tanış olmaq mümkündür.

Oxşar xəbərlər

Armands Krauze: Latviya Qarabağda meşələrin bərpasına kömək etməyə hazırdır - MÜSAHİBƏ

Armands Krauze: Latviya və Azərbaycan kənd təsərrüfatı sahəsində əməkdaşlıq istiqamətlərini müəyyən edib

Nazir müavini: “Azərbaycan Latviya ilə əməkdaşlığa dair bütün təşəbbüsləri dəstəkləyir”

Azərbaycan-Latviya Hökumətlərarası Komissiyasının iclası gələn həftə Şuşada keçiriləcək - EKSKLÜZİV

Latviyalı nazir: "Meşə təsərrüfatının idarə olunması təcrübəmizi Azərbaycanla bölüşməyə hazırıq"