Azərbaycan və Latviya arasında kənd təsərrüfatı üzrə işçi qrupu çərçivəsində elmi qarşılıqlı əməkdaşlıq sahəsində əməkdaşlıq nəzərdən keçirilə bilər.

Bu barədə Latviyanın kənd təsərrüfatı naziri Armands Krauze “Report”a müsahibəsində bildirib.

"Təşəbbüs çərçivəsində əməkdaşlıqdan danışarkən, elmi əməkdaşlığın əhəmiyyətini qeyd etməmək olmaz. Hər iki tərəfdən alimlərin, o cümlədən universitetlər səviyyəsində böyük maraq göstərməsi sevindirici haldır. Bu, yeni texnologiyaların tətbiqinə başlamalı olduğumuz yoldur. Məsələn, Azərbaycana səfərim çərçivəsində "ağıllı kəndlər"in yaradılması üçün IT həlləri barədə müzakirələrin aparılması gözlənilir", - o qeyd edib.

Nazirin sözlərinə görə, Azərbaycanda keçirilən “InterFood Azerbaijan” və “Caspian Agro” sərgilərində innovativ IT həlləri təklif edən Latviya şirkətləri də təmsil olunur və “bu, birgə səylərimiz üçün böyük əhəmiyyət kəsb edir".

A.Krauze qeyd edib ki, iki ölkə müasir texnoloji həllərin tətbiqi barədə təcrübə və məlumat mübadiləsi aparmalıdır.

"Əlbəttə, Latviya və Azərbaycan müxtəlif iqlim şəraitinə malikdir: Latviya şimalda, Azərbaycan isə cənubda yerləşir və buna görə də kənd təsərrüfatı bitkilərimiz fərqlidir. Məsələn, Latviyada biz şaxtaya davamlı alma sortları yetişdiririk, Azərbaycanda isə armud və ərik uğurla yetişdirilə bilər ki, bu da bizim iqlimimizdə qış aylarında temperaturun aşağı olması səbəbindən mümkün deyil. Lakin bu fərqlərə baxmayaraq, əməkdaşlıq edə biləcəyimiz bir çox sahələr var. Xüsusilə bu, IT həllərinə və kənd təsərrüfatı sahəsində yeni elmi nailiyyətlərin tətbiqinə aiddir", - o vurğulayıb.

Oxşar xəbərlər

Nazir müavini: “Azərbaycan Latviya ilə əməkdaşlığa dair bütün təşəbbüsləri dəstəkləyir”

Latviyalı nazir: "Meşə təsərrüfatının idarə olunması təcrübəmizi Azərbaycanla bölüşməyə hazırıq"

Bakı və Riqa hökumətlərarası komissiyanın iclasının tarixini razılaşdırıb

Kənd təsərrüfatı naziri: “Latviya Azərbaycandan aqrar məhsulların birbaşa tədarükündə maraqlıdır”

Azərbaycan aqrar sığorta təcrübəsini Gürcüstanla bölüşəcək