Azərbaycanla Latviya arasında iqtisadi, elmi, texniki və mədəni əməkdaşlıq üzrə Hökumətlərarası Komissiyanın iclası aprelin 15-də Şuşa şəhərində keçiriləcək.

Bu barədə "Sizinxeber.az"un sorğusuna cavab olaraq Latviyanın Kənd Təsərrüfatı Nazirliyindən məlumat verilib.

Qurumda qeyd ediblər ki, aprelin 14-də Bakıda komissiyanın həmsədri, Latviyanın kənd təsərrüfatı naziri Armands Krauzenin Azərbaycanın rəhbər şəxsləri ilə görüşləri keçiriləcək.

"Nazir Krauze gələn həftə Azərbaycana gələcək. Aprelin 14-də onun Bakıda ölkənin Baş naziri (Əli Əsədov - red.) və iqtisadiyyat naziri (Mikayıl Cabbarov - red.) ilə ikitərəfli görüşləri olacaq. Bundan başqa, Krauzenin digər görüşləri də baş tutacaq. Hökumətlərarası Komissiyanın iclası çərşənbə günü, aprelin 15-də Şuşada keçiriləcək", - nazirlikdən bildiriblər.

Oxşar xəbərlər

Bakı və Riqa hökumətlərarası komissiyanın iclasının tarixini razılaşdırıb

Səfir: Bakı və Riqa 2025-ci ildə Hökumətlərarası Komissiyanın iclasına hazırlaşır

Azərbaycan-Vyetnam Hökumətlərarası Komissiyasının 3-cü iclası keçirilir

Bakıda Azərbaycan-İraq Hökumətlərarası Birgə Komissiyanın iclası keçiriləcək

Əli Əsədov Moldova Baş nazirinin müavini ilə ikitərəfli əməkdaşlığı müzakirə edib