Gəncədə Ümumdünya Mülki Müdafiə Günü ilə bağlı tədbir keçirilib.

Sizinxeber.az-nın yerli bürosu xəbər verir ki, Fövqəladə Hallar Nazirliyinin Gəncə Regional Mərkəzinin 2025-ci il üçün Hazırlıq planına müvafiq olaraq, bu gün region ərazisində yerləşən şəhər və rayon icra hakimiyyətləri, idarə, müəssisə və təşkilatlarla “1 Mart - Ümumdünya Mülki Müdafiə Günü”nə həsr olunmuş “Mülki müdafiə-əhalinin təhlükəsizliyinin təminatıdır” mövzusunda nümunəvi tədbir keçirilib.

Tədbir Gəncə şəhəri Heydər Əliyev adına meydanda təşkil olunub.

Fövqəladə Hallar Nazirliyinin Gəncə şəhəri ərazisində yerləşən qurumlarının balansında olan texnika, əmlak və avadanlıqların nümayişi, onların taktiki texniki xarakteristikaları, fövqəladə hadisələr zamanı təyinatı üzrə onlardan istifadə qaydaları barədə məluma verildi və iştirakçılar tərəfindən ünvanlanmış suallara Fövqəladə Hallar Nazirliyinin əməkdaşları tərəfində ətraflı cavablar verilib.

Eyni zamanda, şəhər ərazisində monitorlarda “1 mart - Ümumdünya Mülki Müdafiə Günü”nün “Mülki müdafiə-əhalinin təhlükəsizliyinin təminatıdır” mövzusu üzrə video-çarxlar nümayiş olunub.

Oxşar xəbərlər

FHN mülki müdafiə məşqi keçirib - VİDEO

Ümumdünya Mülki Müdafiə Gününə həsr olunmuş tədbir keçirilib - FOTO

FHN-in Qarabağ Regional Mərkəzi mülki müdafiə məşqi keçirib

Fövqəladə Hallar Nazirliyi mülki müdafiə kursları keçirib

Şahbuzda mülki müdafiə dəstələrinin hazırlığı yoxlanılıb - FOTO