Azərbaycan Milli İncəsənət Muzeyində Mədəniyyət Nazirliyi sistemində rəqəmsallaşmanın vəziyyətinə və ilin yekunlarına həsr olunan toplantı keçirilib.

Nazirlikdən Sizinxeber.az-ya verilən xəbərə görə, nazir Adil Kərimli çıxışında bildirib ki, nazirliyin fəaliyyətinin rəqəmsallaşdırılması prioritet istiqamətdir: “Mədəniyyət sahəsinin rəqəmsallaşması çox çətin bir fəaliyyətdir. Nəzərə alsaq ki, indiyə qədər bu sahədə sistemli iş aparılmayıb. Fəaliyyət göstərdiyimiz müddət ərzində bu sahədə məlumatların toplanılması və sistemləşdirilməsi istiqamətində əhəmiyyətli işlər həyata keçirilib. Toplantıda bu sahədə fəaliyyətimizə nəzər salınacaq, uğurlarla yanaşı, qarşıda duran vəzifələr də diqqət mərkəzinə çəkiləcək”.

Daha sonra nazirliyin müvafiq struktur bölmələrinin rəhbərləri və əməkdaşlarının rəqəmsallaşma üzrə illik hesabatı dinlənilib.

Çıxışlarda klasterlər, modullar, “e-Culture” matrisi, “e-Culture” arxitekturası, nazirliyin informasiya resursları, ölkə üzrə mədəniyyət obyektləri və müəssisələrinin reyestrinin yenidən yaradılması, vahid şəxsi kabinet sistemi vasitəsilə bir pəncərə prinsipi əsasında mədəniyyəti rəqəmsal prizmadan tanımaq, musiqi və incəsənət məktəblərinin elektron sistemi və s. məsələlər haqqında söz açılıb.

Hesabat iclasında ayrı-ayrı sahələr üzrə 2024-cü il ərzində görülmüş işlər, müəyyənləşdirilmiş fəaliyyətə uyğun olaraq həyata keçirilmiş tədbirlər və əldə olunmuş nəticələr haqqında struktur bölmə rəhbərlərinin məruzələri dinlənilib.

Sonda nazir mövcud problemlərin həlli, qarşıda duran vəzifələrlə bağlı tapşırıq və tövsiyələrini verib.

Oxşar xəbərlər

Adil Kərimli: Kadr çatışmazlığı müzakirə olunub, bu istiqamətdə işlərə başlamışıq

Adil Kərimli Rusiyanın mədəniyyət naziri ilə görüşüb

Adil Kərimli Gədəbəydə müəssisələrlə bağlı tapşırıq və tövsiyələr verib

Mədəniyyət Nazirliyi yanında İctimai Şuranın üzvləri ilə görüş keçirilib

Adil Kərimli Azərbaycan Dövlət Kukla Teatrında olub