Daxili İşlər Nazirliyi Baş Narkotiklərlə Mübarizə İdarəsinin Abşeron rayonu ərazisində keçirilən növbəti əməliyyat zamanı bir nəfər saxlanılıb.

Bu barədə APA-ya Daxili İşlər Nazirliyindən məlumat verilib. Bildirilib ki, saxlanılan şəxsin - 2000-ci il təvəllüdlü Əlqədir Cahangirovun idarə etdiyi “Toyota” markalı avtomobilinə baxış zamanı ümumilikdə 22 kiloqrama yaxın tərkibi psixotrop maddələrlə zənginləşdirilmiş marixuana aşkarlanıb.

Saxlanılan şəxs şəxsiyyəti istintaqla araşdırılan İran vətəndaşı vasitəsilə əvvəlcədən müəyyənləşdirilmiş yerdən narkotik vasitələri götürərək maddi qazanc müqabilində ayrı-ayrı ünvanlara çatdırmağı planlaşdırıb.

Faktla bağlı cinayət işi başlanılıb, saxlanılan şəxs barəsində məhkəmənin qərarı ilə həbs qətimkan tədbiri seçilib.

Ə.Cahangirovla əlbir olan digər şəxslərin də saxlanılması istiqamətində tədbirlər davam etdirilir.

Oxşar xəbərlər

DİN əməliyyatlar keçirib, 22 kiloqram narkotik aşkarlanıb

DİN keçirdiyi əməliyyatlarda 24 kq narkotik aşkarlanıb

Bakı və Salyanda 41 kq narkotik dövriyyədən çıxarılıb

Şabranda İran vətəndaşı tərəfindən kuryerliyə cəlb olunan şəxsdən 50 kiloqram marixuana aşkarlanıb

Narkotik satışına görə 3 nəfər həbs olunub, 38 kq marixuana və tiryək götürülüb