DİN Baş Narkotiklərlə Mübarizə İdarəsinin əməkdaşları tərəfindən narkotik vasitələrin satışı və qanunsuz dövriyyəsinə qarşı keçirilən növbəti tədbir zamanı əvvəllər dəfələrlə məhkum olunmuş 1997-ci il təvəllüdlü Tərlan Əzimov Şabran rayonu ərazisində saxlanılıb.

APA xəbər verir ki, onun üzərindən və avtomobilindən 50 kiloqram tərkibi psixotrop maddələrlə zənginləşdirilmiş marixuana və 4780 ədəd metadon həbi aşkarlanaraq götürülüb.

T.Əzimov narkotik vasitələri şəxsiyyəti istintaqla araşdırılan İran vətəndaşından Xəzər dənizinin Şabran rayonu sahilində əvvəlcədən müəyyən olunmuş yerdən götürərək maddi qazanc müqabilində ayrı-ayrı ünvanlara çatdırmağı planlaşdırıb.

Faktla bağlı Cinayət Məcəlləsinin müvafiq maddəsi ilə cinayət işi başlanıb, məhkəmənin qərarı ilə saxlanılan şəxs barəsində həbs qətimkan tədbiri seçilib.

Əməliyyat tədbirləri davam etdirilir.

Oxşar xəbərlər

İran vətəndaşı tərəfindən kuryerliyə cəlb olunan şəxsdə 50 kq narkotik aşkarlanıb

DİN keçirdiyi əməliyyatlarda 24 kq narkotik aşkarlanıb

Bakı və Salyanda 41 kq narkotik dövriyyədən çıxarılıb

Narkotik satışına görə 3 nəfər həbs olunub, 38 kq marixuana və tiryək götürülüb

İran vətəndaşı tərəfindən narkokuryerliyə cəlb olunmaqda şübhəli bilinən şəxsdən 50 kiloqram marixuana aşkarlanıb