Sentyabrın 26-da Azərbaycan Respublikasının Gənclər və idman naziri Fərid Qayıbov Azərbaycan Dövlət İqtisad Universitetinin (UNEC) Zaqatala filialında olub.

Bu barədə Sizinxeber.az-ya Dövlət İqtisad Universitetinin (UNEC) İctimaiyyətlə Əlaqələr Şöbəsindən məlumat verilib.

Bildirilib ki, filialın direktoru dosent Raqif Qasımov Gənclər və idman nazirinin filiala gəlişindən məmnunluğunu ifadə edərək, bu görüşün tələbələr üçün faydalı olacağını bildirib.

Tələbələrlə görüşən nazir Fərid Qayıbov onların asudə vaxtlarının səmərəli təşkili, dərsdən sonrakı fəaliyyətləri, əldə etdikləri uğurları ilə maraqlanıb. Eləcə də tələbələrin təkliflərini dinləyib və suallarını cavablandırıb.

Görüşdən sonra Zaqatala filialının yeni inşa olunan idman zalına və tələbə yataqxanasına da baxış keçirilib. Nazir burada tələbələr üçün yaradılacaq şəraitlə tanış olub.

Oxşar xəbərlər

UNEC İnnovativ Gənclər Təşkilatı yaradılıb

UNEC-ə 600-dən çox bal toplayaraq qəbul olanların sayı 89 faiz artıb

Fərid Qayıbov: 48 idmançı ilə ilk dəfə olaraq 15 idman növündə qatılırıq

Beynəlxalq Mühasiblər Federasiyasının (İFAC) prezidenti UNEC-də olub

Azərbaycan idmançılarının bir qrupu Paris Yay Olimpiya Oyunlarına yola salınıb - FOTO