Sumqayıt şəhərində əhalinin rahatlığının və istirahət şəraitinin yaxşılaşdırılması məqsədilə Sumqayıt Bələdiyyəsi tərəfindən həyata keçirilən abadlıq və təmizlik işləri planlı şəkildə davam etdirilir.

Hazırda şəhərin "Bələdiyyə parkı"nda genişmiqyaslı abadlıq tədbirləri həyata keçirilir. Park ərazisi alaq otlarından, daş-kəsəklərdən təmizlənib, uzun müddətdir baxımsız vəziyyətdə olan və təhlükə yaradan saralmış sarmaşıqlar, kolluqlar tam şəkildə sökülərək utilizasiya olunub. Görülən tədbirlər nəticəsində ərazidə səliqə-sahman yaradılıb, park yenidən abad hala salınıb.

Qeyd edək ki, Sumqayıt Bələdiyyəsi il ərzində şəhərin müxtəlif nöqtələrində ekoloji və sosial məsələlərin həllinə yönəlmiş tədbirləri ardıcıl şəkildə həyata keçirməyi planlaşdırır. Sakinlərin daha rahat və təmiz mühitdə yaşamaları üçün bu istiqamətdə işlər diqqət mərkəzində saxlanılır.

Bu tipli abadlıq işləri təkcə parklarla məhdudlaşmayacaq, eləcə də bağça, məktəb, yaşayış massivləri və ictimai əraziləri də əhatə edəcək. Məqsəd şəhərin ümumi ekoloji vəziyyətinin yaxşılaşdırılması və əhalinin istirahəti üçün daha əlverişli şəraitin yaradılmasıdır.

Sumqayıt Bələdiyyəsi sakinlərin də bu prosesdə fəal iştirakı və ətraf mühitin qorunmasına töhfə verməyə çağırıb.

Oxşar xəbərlər

Sumqayıtda bir sıra küçələr asfaltlanacaq - SİYAHI

Sumqayıtda şəhid Gəray Məmmədov küçəsinə yeni asfalt çəkilib - FOTO

"Yaşma bağları" ərazisində abadlıq-quruculuq işləri görülüb

Sumqayıtda ağacəkmə aksiyası keçirilib - FOTO

Səbail rayonunda növbəti yaşıl məhəllə sakinlərin istifadəsinə verilib - FOTO