BMT ilin sonunadək ABŞ-dən təşkilatın büdcəsinə üzvlük haqları üzrə daha bir ödəniş edəcəyini gözləyir və bundan sonra Vaşinqtonun borcu 2 mlrd dollardan 1,3-1,4 mlrd dollaradək azala bilər.

"Sizinxeber.az" xəbər verir ki, bu barədə BMT baş katibinin köməkçisi, təşkilatın nəzarətçisi səlahiyyətlərini icra edən Çandru Ramanatan bildirib.

"Onların bizə hələ də 2 mlrd dollar borcu var. Biz onlardan daha bir ödəniş gözləyirik, buna görə də mümkündür ki, ilin sonuna qədər borc 1,3-1,4 mlrd dollar təşkil etsin. Biz dəqiq bilmirik, yalnız gözləmək qalır", - o, jurnalistlərə deyib.

Ramanatanın sözlərinə görə, BMT-də həmçinin Çindən təşkilatın büdcəsinə çoxmilyonluq üzvlük haqqının daxil olmasını gözləyirlər.

"Onlar, şübhəsiz ki, ilin sonunadək hər şeyi ödəyəcəklər", - o bildirib.

Qeyd edək ki, təşkilatın ən böyük donoru olan ABŞ büdcəyə müntəzəm üzvlük haqlarını köçürməkdən imtina etdikdən və ümumdünya təşkilatı agentliklərinin könüllü maliyyələşdirilməsinin həcmini azaltdıqdan sonra BMT likvidlik böhranı ilə üzləşib.

Oxşar xəbərlər

Ermənistan KTMT-yə üzvlük haqqını ödəməkdən imtina edir

AMB: Bu ilin III rübündə cari əməliyyatlar hesabının profisiti 5 mlrd. dolları ötüb

Kobaxidze: 2028-ci ilin sonuna qədər Aİ-yə üzvlük məsələsini gündəmə gətirməməyə qərar verdik

Bu il 1,1 mlrd. manatdan artıq xarici dövlət borcu qaytarılıb

IMF: Qarşıdakı beş ildə Azərbaycanın strateji valyuta ehtiyatları 71 mlrd. dollardan çox olacaq