Bu il Azərbaycanda enerji sisteminin qoyuluş gücü 8 976 MVt-a çatdırılıb.

“Sizinxeber.az-Economics” xəbər verir ki, bunu Bakı Enerji Forumunda çıxışı zaman "Azərenerji" ASC-nin vitse-prezidentinin birinci müavini Yusif Qarayev deyib.

Onun sözlərinə görə, 2018-ci illə müqayisədə 2025-ci ildə Azərbaycanın (Naxçıvan Muxtar Respublikasının enerji sistemi daxil olmaqla) ümumi enerji sisteminin qoyuluş gücü 6 300 MVt-dan 8 976 MVt-dək artıb (2 676 MVt artım).

Yusif Qarayev bildirib ki, qeyd olunan artım fonunda bərpa olunan enerji mənbələrinin (BOEM) enerjisistemdəki payı da 2,5 faiz bəndi artaraq 4,2 %-ə (379,1 MVt) çatdırılıb.

Hazırda ölkədə enerji sistemi üzrə qoyuluş gücünün strukturu belədir: İstilik Elektrik Stansiyaları – 7 199,5 MVt (ümumi qoyuluş gücünün 80,2 %-i), Su Elektrik Stansiyaları (KSES-lər daxil olmaqla) – 1 397,4 MVt (15,6 %).

Oxşar xəbərlər

Bərpa olunan enerji mənbələrinin inteqrasiyasında mənfi təsirlər açıqlanıb

Azərbaycanın enerji sistemində qoyuluş gücü ötən il 1 %-dən çox artıb

Azərbaycanın yaşıl enerji sayəsində qənaət edəcəyi qazın həcmi açıqlanıb

Naxçıvanda alternativ enerji istehsalı artıb

“AzərEnerji” 2030-cu ilə qədər enerji sisteminə inteqrasiya ediləcək güclərin həcmini açıqlayıb