Bu ilin yanvar-aprel aylarında Azərbaycanda neft məhsullarının istehsalının ümumi dəyəri 1 milyard 950,3 milyon manat təşkil edib ki, bu da ötən ilin eyni dövrü ilə müqayisədə 0,3% çoxdur.

Bu barədə "Sizinxeber.az-Economics” Dövlət Statistika Komitəsinin aylıq hesabatına istinadən xəbər verir.

Məlumata görə, hesabat dövründə neft məhsullarından 81,6 min ton neft koksu, 480,7 min ton avtomobil benzini, 782,9 min ton qazoyl (dizel yanacağı) istehsal olunub. Avtomobil benzini istehsalı ötən ilin müvafiq dövrünə nisbətən 13,6%, qazoyl (dizel yanacağı) istehsalı isə 7,8% artıb.

Bundan əlavə, cari ilin yanvar-aprel aylarında 164,2 min ton ağ neft, 40,2 min ton neft bitumu, 18,1 min ton mazut, 62,2 min ton maye qaz istehsal edilib.

Oxşar xəbərlər

Azərbaycan mazut istehsalını 56 dəfədən çox artırıb

Azərbaycanda neft məhsullarının istehsal həcmi açıqlanıb

Azərbaycanda neft məhsullarının rüblük istehsal həcmi açıqlanıb

Azərbaycanda avtomobil yanacağı istehsalı artıb - CƏDVƏL

Azərbaycanda benzin və dizel istehsalı artıb - CƏDVƏL