Təbiət əsaslı həllər artıq uzun müddətdir mövcud olan bir konseptdir və əlavə, “lüks” yanaşma deyil, əksinə şəhərsalma və məkan planlaşdırmasının erkən mərhələlərinə daxil edilməli əsas komponentdir.

APA xəbər verir ki, bunu Almaniya Federal İqtisadi Əməkdaşlıq və İnkişaf Nazirliyində Dayanıqlı İnkişaf və İqlim üzrə Baş Direktor Biqəet Piker Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş "İqlim və Mənzil Əlaqəsi" adlı tədbirin panel müzakirəsində bildirib.

Onun sözlərinə görə, bu yanaşmanın uğuru məhz planlaşdırmanın vaxtında aparılmasından asılıdır.

Çıxışda vurğulanıb ki, təbiət əsaslı həllər şəhər planlaşdırmasına, torpaq istifadəsinin inteqrasiyasına, tikinti standartlarına və infrastruktur dizaynına daxil edilməlidir. Nümunə olaraq Almaniyada “süngər şəhər” (sponge city) konsepti göstərilib. Bu model xüsusilə daşqın riski yüksək olan şəhərlərdə həm suyun idarə olunması, həm də istilik dalğalarına qarşı dayanıqlığın artırılması məqsədilə tətbiq olunur.

O, həmçinin Meksika və Mərakeş kimi tərəfdaş ölkələrlə aparılan əməkdaşlıqlara toxunaraq, şəhərsalma, rəqəmsal texnologiyalar və iqlim siyasətinin birlikdə innovativ həllər yaratdığını bildirib.

Maliyyələşmə məsələsinə diqqət çəkən Piker qeyd edib ki, bələdiyyələrin bu həlləri həyata keçirə bilməsi üçün maliyyə baxımından gücləndirilməsi vacibdir.

"Hazırda bir çox şəhər büdcələrində təbiət əsaslı həllərin hələ də yol və ya bina tikintisi kimi standart infrastrukturla eyni səviyyədə inteqrasiya olunmur. Bu səbəbdən, yerli səviyyədə maliyyə çərçivələrinin və büdcə planlamasının təkmilləşdirilməsi vacibdir", - o vurğulayıb.

O qeyd edib ki, bu məsələ təkcə ətraf mühit deyil, daha sağlam və dayanıqlı icmaların qurulması ilə bağlıdır.

Oxşar xəbərlər

Nazir müavini: Azərbaycan aşağı emissiyalı inkişaf strategiyası üzərində işləyir

Asiya İnkişaf Bankı: Şəhərlərdə kiçik yaşıl məkanların yaradılmasına çalışmalıyıq

İcraçı direktor: WUF13 indiyədək keçirilmiş ən böyük Dünya Şəhərsalma Forumudur

Anar Quliyev: WUF13-ə ev sahibliyi Azərbaycan üçün böyük şərəf və ciddi məsuliyyətdir

IsDB: Ənənəvi və innovativ maliyyələşdirmə üsullarının kombinasiyası tələb olunacaq