BMT-nin Avropa İqtisadi Komissiyası (UNECE) Ukraynada şəhərlərin bərpası layihələrinə dəstəyini genişləndirir, o cümlədən mənzil strategiyası üzərində iş və əsas bələdiyyələr üçün baş planların hazırlanmasını əhatə edir.

"Report" xəbər verir ki, bunu UNECE-nin regional müşaviri Xavyer Torner Bakıda keçirilən WUF13 çərçivəsində "Şərqi Avropa və Mərkəzi Asiya Regional Qrupu" mövzusuna həsr olunmuş panel müzakirəsində çıxış edərkən bildirib.

Onun sözlərinə görə, təşkilat UN-Habitat ofisi ilə fəal əməkdaşlıq edir və bu qarşılıqlı əlaqəni yeni mərhələyə çıxarmaq, səyləri sonrakı işin prioritetlərinin müəyyənləşdirilməsinə yönəltmək niyyətindədir.

Torner qeyd edib ki, UNECE üçün əsas istiqamət şəhərlərin bərpası və yenidən qurulması, o cümlədən məkan planlaması məsələləri olaraq qalır.

"Biz dövlət mənzil strategiyasını dəstəkləyirdik, mənzil siyasətinin hazırlanması üçün məlumat və analitik baza təqdim edirdik. Həmçinin Xarkov və Nikolayev bələdiyyələri ilə master-planların hazırlanması üzərində işləyirdik", - o bildirib.

Onun sözlərinə görə, növbəti mərhələ bu planların ayrı-ayrı rayonlar səviyyəsində həyata keçirilməsi olacaq ki, bu da şəhər mühitinin bərpasına, iş yerlərinin yaradılmasına və zərər çəkmiş şəhərlərə iqtisadi fəallığın qayıtmasına kömək etməlidir.

Oxşar xəbərlər

Torner: UNECE mənzil planlaşdırması sahəsində vahid məlumat bazası yaratmaq istiqamətində fəaliyyət göstərir

UNECE: Orta Dəhlizi tam rəqəmsallaşdırılmış və uyğunlaşdırılmış marşruta çevirmək olar

Azərbaycan və UNECE Orta Dəhlizin potensialının artırılması üzrə görüləcək işləri müzakirə edib

Sancivani Sinqh: ESCAP ölkələrində təxminən 700 milyon insan qeyri-rəsmi yaşayış məskənlərində yaşayır

Erfan Ali: "Qlobal mənzil böhranı yalnız əməkdaşlıq yolu ilə həll oluna bilər"