Banklarda Kredit Risklərinin İdarə Edilməsi Qaydası və Korporativ İdarəetmə Standartlarına yaşıl və dayanıqlılıqla əlaqəli kredit meyarları və ekoloji, sosial və İdarəetmə (ESİ) risk idarə tələblərinin daxil edilməsi planlaşdırılır.

Bu barədə “APA-Economics” Azərbaycan Mərkəzi Bankının “Dayanıqlı maliyyə hesabatı”na istinadən xəbər verir.

Qeyd edilib ki, bu addım bankların verdikləri kreditlərdə ətraf mühit və sosial məsuliyyət meyarlarını nəzərə almalarını təmin edəcək. Eyni zamanda, ESİ Risk Radar layihəsinin həyata keçirilməsi ilə bu risklərin erkən aşkarlanması və monitorinqi sistemi qurulacaq.

“Əlavə olaraq, fiziki iqlim risklərinin müəyyənləşdirilməsi planlaşdırılır və keçid risklərinin təsirinin öyrənilməsi üzrə məlumat boşluqlarının aradan qaldırılması məqsədilə Yol Xəritəsi hazırlanaraq icrasına başlanılacaqdır. Bu tədbirlər, maliyyə sektorunun iqlim və sosial risklərə qarşı daha dayanıqlı olmasını təmin edəcək və uzunmüddətli sabitliyi dəstəkləyəcək” - məlumatda qeyd edilib.

Oxşar xəbərlər

Azərbaycanda banklara "yaşıl" və dayanıqlılığa dair yeni tələblər qoyulacaq

Mərkəzi Bank yaşıl kreditlərlə bağlı sənədi təsdiq edib

Toğrul Əliyev: BOKT-larda kredit risklərinin idarə olunması üzrə yeni layihə hazırlanır

Mərkəzi Bank “Banklarda əməliyyat risklərinin idarə edilməsi Qaydası”nı təsdiq edib

Azərbaycanda BOKT-lar üçün prudensial tənzimləmə qaydaları dəyişəcək