Türkiyənin Türk Dövlətləri Təşkilatına (TDT) üzv ölkələrlə illik ticarət həcmi 17 milyard dollara yaxınlaşıb.

"Sizinxeber.az" bu barədə "TRT Haber"ə istinadən xəbər verir.

Telekanalın məlumatına görə, Türkiyənin TDT ölkələrinə məhsul ixracının həcmi ötən il 9,6 milyard dollar təşkil edib. Buna qarşılıq olaraq 7,3 milyard dollarlıq məhsul sözügedən ölkələrdən idxal edilib. Beləliklə, TDT ölkələri ilə illik ticarət həcmi 17 milyard dollara yaxınlaşıb.

Türkiyənin məhsul ixrac etdiyi TDT-yə üzv ölkələr arasında Qazaxıstan illik 3,2 milyard dollarla birinci yerdə qərarlaşıb. Azərbaycan 3 milyard dollarla ikinci, Özbəkistan (1,3 milyard dollar) isə üçüncü sırada yer alıb.

Qeyd edək ki, mayın 15-də Qazaxıstanın Türküstan vilayətində TDT-nin dövlət başçılarının qeyri-rəsmi zirvə görüşü keçiriləcək. Türkiyə Prezidenti Rəcəb Tayyib Ərdoğan isə 13-15 may tarixləri aralığında Qazaxıstana səfər edəcək.

Oxşar xəbərlər

Çin və ABŞ yanvar-martda əmtəə dövriyyəsini 154,58 milyard dollara qədər artırıb

Astana və Ankara ticarət dövriyyəsini 15 milyard dollara çatdırmaq barədə razılığa gəlib

Azərbaycan Gürcüstanın üçüncü ən böyük ixrac tərəfdaşı olub

Azərbaycan Ukraynadan məhsul idxalını artırdı