Azərbaycan Mərkəzi Bankının (AMB) sədrinin I müavini Əliyar Məmmədyarovun rəhbərlik etdiyi nümayəndə heyətinin ABŞ-yə səfəri çərçivəsində bu ölkənin "J.P. Morgan Chase" Bankının İdarə Heyətinin sədrinin müavini Daniel Zelikov, eləcə də "Citi Group” şirkətinin Avropa, Yaxın Şərq və Şimali Afrika regionu üzrə ictimai sektorunun rəhbəri və idarəedici direktoru Georgiy Yordanovla görüş keçirib. 

"Report" bu barədə AMB-yə istinadən xəbər verir. 

Məlumata görə, görüşlərdə Azərbaycanda makroiqtisadi və maliyyə sabitliyi üzrə cari vəziyyət, qurumlar arasında tərəfdaşlıq imkanları, həmçinin hər iki ölkənin maliyyə institutları arasında əməkdaşlığın genişləndirilməsi perspektivləri müzakirə olunub.

Yaz Toplantıları çərçivəsində Azərbaycan nümayəndə heyətinin sonuncu görüşü “Clearstream” şirkətinin Qlobal bazarlar üzrə məhsul idarəetməsinin rəhbəri Jan Vilyems və Təminat, kredit və likvidlik həlləri üzrə vitse-prezidenti Kristian Rosler ilə baş tutub. Görüşdə təşkilatlar arasında potensial ikitərəfli əlaqələr və gündəlikdə olan mühüm təşəbbüslər ətrafında fikir mübadiləsi aparılıb.

Oxşar xəbərlər

AMB “Citi Group”la ölkənin inkişaf trendlərini müzakirə edib

AMB və IMF IV Maddə üzrə məsləhətləşmələr çərçivəsində görülən işləri müzakirə edib

Azərbaycan Dünya Bankı və IMF-in Yaz Toplantıları çərçivəsində Seçki Qrupunun iclasında iştirak edib

ARDNF Çində bır sıra görüşlər keçirib

Azərbaycan və Macarıstan maliyyə sektorunda əməkdaşlığı müzakirə edib