ABŞ-də işgüzar səfərdə olan Azərbaycan Mərkəzi Bankının (AMB) nümayəndə heyəti paytaxt Vaşinqtonda keçirilən Dünya Bankı və Beynəlxalq Valyuta Fondunun (IMF) Yaz Toplantıları çərçivəsində Azərbaycanın da daxil olduğu Seçki Qrupunun iclasında iştirak edib.

"Sizinxeber.az" bu barədə AMB-yə istinadən xəbər verir.

Məlumata görə, AMB sədrinin I müavini Əliyar Məmmədyarov toplantıda çıxışı zamanı ölkənin makroiqtisadi göstəriciləri və maliyyə sektorunun inkişaf trendləri barədə məlumatı diqqətə çatdırıb. O, Dwnya Bankı və IMF ilə uzunmüddətli səmərəli tərəfdaşlığın böyük əhəmiyyət kəsb etdiyini vurğulayıb.

Toplantıda Seçki Qrupuna üzv ölkələrin dövlət və hökumət rəsmiləri, Dünya Bankı və IMF-in rəhbər şəxsləri, beynəlxalq maliyyə institutlarının nümayəndələri iştirak edib. Tədbir çərçivəsində üzv ölkələr arasında maraq kəsb edən mövzular, qlobal və regional çağırışlar, eləcə də inkişaf perspektivləri müzakirə olunub.

Oxşar xəbərlər

Azərbaycan Mərkəzi Bankının nümayəndə heyəti ABŞ-yə işgüzar səfər edib

Azərbaycan bir sıra ölkələrlə maliyyə inklüzivliyinin artırılmasını müzakirə edib

Azərbaycan İqlim Fəaliyyəti üzrə Maliyyə Nazirlərinin Koalisiyasına üzv olub

Azərbaycan və Macarıstan maliyyə sektorunda əməkdaşlığı müzakirə edib

Azərbaycan ABŞ-də keçiriləcək regional maliyyə konfransında təmsil olunacaq