Elm və Təhsil Nazirliyi və onun tabeliyində olan Təsərrüfathesablı Əsaslı Tikinti və Təchizat İdarəsində aparılmış audit nəticəsində əsassız vəsait istifadəsi halları aşkar edilib.

"Report" xəbər verir ki, bu barədə Hesablama Palatasının 2025-ci ilin I rübünə dair “Dövlət auditi” bülletenində bildirilir.

Sənədə əsasən, audit 10 tikinti obyektini əhatə edib və bu obyektlər üzrə ümumilikdə 53,5 milyon manat dəyərində dövlət investisiyalarının istifadəsi araşdırılıb.

Yoxlama zamanı müəyyən edilib ki, layihələrin texniki-iqtisadi əsaslandırmaları olmadan planlaşdırılması nəticəsində dövlət vəsaitindən səmərəli istifadə təmin olunmayıb, ayrı-ayrı obyektlər üzrə layihə və smetalarda nəzərdə tutulmayan işlər yerinə yetirilib, bu isə 92 086 manat, 633 723 manat, 560 330 manat və 784 318 manat əlavə vəsait xərclənməsinə səbəb olub.

Bundan əlavə, müqavilə və aktlarda göstərilən işlərin faktiki olaraq ya icra edilmədiyi, ya da həcminin şişirdildiyi aşkarlanıb, satınalmalar zamanı qanunvericiliyin tələbləri pozulub, bəzi hallarda tenderlər obyektin ehtimal dəyəri müəyyən olunmadan keçirilib, 5 tikinti obyekti istifadəyə verilsə də, balans uçotuna daxil edilməyib, bu da 30,6 milyon manat dəyərində dövlət əmlakının hesabatlılığında şəffaflığa xələl gətirib,

Quraşdırılan avadanlıqların sənədləşməsi və smeta bölmələrinin ekspertizadan keçirilməsi qaydaları pozulub.

Oxşar xəbərlər

Hesablama Palatası: “İçərişəhər”də büdcə vəsaitləri qanunsuz xərclənib

Hesablama Palatası: Kliniki Tibbi Mərkəzin xərclərində əsaslandırılmamış məbləğlər olub

Hesablama Palatası Səhiyyə Nazirliyində nöqsanlar aşkarlayıb

Hesablama Palatası: İşsizlikdən Sığorta Fondu bəzi xərcləri hesabatdan kənarda saxlayıb

Hesablama Palatası: DSMF-nin gəlir və xərclərinin icrasında uyğunsuzluqlar var