Azərbaycan Bakı-Tbilisi-Qars (BTQ) dəmir yolu vasitəsilə neft məhsullarının daşınmasını nəzərdən keçirir.

“Report” xəbər verir ki, bu barədə “Azərbaycan Dəmir Yolları” QSC sədrinin müavini Emil Məmmədov Bakıda keçirilən “Xəzər və Mərkəzi Asiya Neft Ticarəti və Nəqliyyatı Forumu”nda çıxışı zamanı bildirib.

Onun sözlərinə görə, Azərbaycanın neft sahəsində mövcud infrastrukturu ölkəni həm xam neftin, həm də neft məhsullarının istehsalı və tədarükündə regionun əsas oyunçularından birinə çevirib:

“Azərbaycan Dəmir Yolları” bu baxımdan mühüm rola malikdir. Son illərdə şirkət məhsulların Azərbaycandan daşınması və ölkə üzərindən tranziti ilə bağlı əhəmiyyətli təşəbbüslər həyata keçirib”.

E. Məmmədov qeyd edib ki, BTQ dəmir yolu hazırda əsasən digər yüklərin daşınmasında istifadə olunsa da, neft məhsullarının bu marşrutla tədarükü də nəzərdən keçirilir:

“Doğrudur, hələlik BTQ vasitəsilə neft məhsulları daşınmır. Amma bu istiqamətdə imkanları qiymətləndiririk”.

Qeyd edək ki, Bakı-Tbilisi-Qars dəmir yolu 2017-ci ildə istismara verilib və Çin ilə Avropa arasında daha qısa və sürətli nəqliyyat bağlantısı yaratmaq məqsədi daşıyır. Bu marşrut, Transxəzər Beynəlxalq Nəqliyyat Marşrutu (TBNM) çərçivəsində mühüm bir halqadır.

Oxşar xəbərlər

“Wood Mackenzie”: Yerüstü logistikanın inkişafı Qazaxıstandan neft ixracının artımına kömək edir [xfgiven_updateblue][/xfgiven_updateblue]

Taalaybek İbrayev: “Qırğızıstan Azərbaycandan neft almaqda maraqlıdır” - EKSKLÜZİV [xfgiven_updateblue][/xfgiven_updateblue]

Prezident İlham Əliyev: “Bakı-Tbilisi-Qars dəmir yolu tərəfimizdən müasirləşdirilir” [xfgiven_updateblue][/xfgiven_updateblue]

Azərbaycanla Rusiya Xəzər şelfində yeni layihənin icrasını nəzərdən keçirir [xfgiven_updateblue][/xfgiven_updateblue]

Prezident İlham Əliyev: Bakı-Tbilisi-Qars dəmir yolu tərəfimizdən müasirləşdirilir [xfgiven_updateblue][/xfgiven_updateblue]