BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) nəqliyyat təminatı çərçivəsində təşkil olunmuş COP29 xüsusi hərəkət zolaqları nəqliyyat əməliyyatlarının səmərəli təşkilinə, tədbir iştirakçılarının maneəsiz, təhlükəsiz və zamanında tədbir məkanlarına çatmasına şərait yaradıb.

Ümumi olaraq tədbir müddətində 600 mindən çox sərnişinin daşınması həyata keçirilib.

Bu barədə “Sizinxeber.az-Economics”ə Azərbaycan Yerüstü Nəqliyyat Agentliyindən AYNA) bildirilib.

Qeyd edilib ki, ictimai nəqliyyatın xüsusi zolaqlar şəbəkəsinə daxil olmayan, məhz COP29 nəqliyyat əməliyyatlarının təşkili üçün çəkilmiş zolaqlar tədbir yekunlaşdıqdan sonra öz qüvvəsini itirəcək.

Bu məqsədlə AYNA tərəfindən qeyd edilən zolaqlarda 5.9 avtobus zolağını bildirən yol nişanlarının sökülməsi və xətlərin silinməsi işlərinə başlanılıb.

Bildirilir ki, yol nişanları çıxarılmış zolaqlar artıq qüvvədən düşmüş hesab olunacaq.

25 noyabr tarixinədək müvafiq nişanların çıxarılması işləri icra ediləcək.

Oxşar xəbərlər

COP29 zolaqlarında yol nişanlarının sökülməsinə başlanılıb [xfgiven_updateblue][/xfgiven_updateblue]

COP29 zolaqları noyabrın 25-dən qüvvədən düşəcək [xfgiven_updateblue][/xfgiven_updateblue]

AYNA: COP29-un ilk günü şatllardan 35 min sərnişin istifadə edib [xfgiven_updateblue][/xfgiven_updateblue]

AYNA: COP29 zolaqlarından xüsusi taksilər istifadə edə biləcək [xfgiven_updateblue][/xfgiven_updateblue]

COP29-un dördüncü günü daşınan sərnişinlərin sayı açıqlanıb [xfgiven_updateblue][/xfgiven_updateblue]