Vətəndaşların rahat və təhlükəsiz hərəkətinin təmin olunması çərçivəsində Bakı şəhərinin bəzi yollarında təmir işləri həyata keçiriləcək.

Bu barədə "Report"a Azərbaycan Avtomobil Yolları Dövlət Agentliyindən məlumat verilib.

Bildirilib ki, bu istiqamətdə yol örtüyünün istismar vəziyyəti nəzərə alınaraq aşağıdakı ərazilərdə təmir işlərinin aparılması planlaşdırılır:

* Rəşid Behbudov küçəsi (Şəmsi Bədəlbəyli küçəsindən Abbasqulu ağa Bakıxanov küçəsinə qədər olan hissə);

* Ziya Bünyadov prospekti (Müzəffər Nərimanov küçəsindən Xəlil Rza Ulutürk küçəsinə qədər, "Koroğlu" metro stansiyası istiqamətində, hissə-hissə);

* Abbas Mirzə Şərifzadə küçəsi (Əsəd Əhmədov küçəsindən Akim Abbasov küçəsinə qədər olan hissə);

* Səməd Vurğun küçəsi (Abbasqulu ağa Bakıxanov küçəsindən Füzuli küçəsinə qədər olan hissə);

* Bakı Dairəvi yoldan "Meyvəli Ticarət Mərkəzi"nə gedən yol.

İşlərin icra tarixi və müddəti:

* 17 aprel saat 23:00-dan 20 aprel saat 06:00-dək.

Göstərilən tarixlərdə nəqliyyat vasitələrinin hərəkəti qeyd olunan ərazilərdə qismən məhdudlaşdırılacaq.

Sürücülərdən aparılan işlərə anlayışla yanaşmaları müvəqqəti yol nişanlarının tələblərinə və yol hərəkəti qaydalarına ciddi şəkildə əməl etmələri xahiş olunur.

Oxşar xəbərlər

Bakıda bir sıra ərazilərdə nəqliyyatın hərəkəti qismən məhdudlaşdırılacaq

Bakının bəzi yollarında gecə saatlarında təmir işləri aparılacaq

Bakıda bayram günlərində 42 ünvanda avtomobil yolları təmir olunacaq

Bakının bir çox yollarında tıxac müşahidə edilir - SİYAHI

Bakının bir sıra yollarında tıxac yaranıb – SİYAHI