Tağı Tağızadə: “Bu gün çeviklik və sürətlə uyğunlaşma qabiliyyəti neft bazarı üçün əsas amilə çevrilir”

Bu ilin əvvəlindən, xüsusilə ABŞ-də administrasiyanın dəyişməsindən sonra bazarın volatilliyi əsasən informasiya fonu və KİV başlıqlarının təsiri altında formalaşır.

“Sizinxeber.az” xəbər verir ki, bunu “SOCAR Trading”in kommersiya məsələləri üzrə direktoru Tağı Tağızadə Bakıda keçirilən "Xəzər və Mərkəzi Asiya neft ticari-nəqliyyat” forumunda bildirib.

"Məhz buna görə daxil olan məlumatları dəqiq qeyd və təhlil etmək, gündəlik məlumat axınlarını izləmək və müxtəlif amillərin mövcud vəziyyətə necə təsir etdiyini anlamaq son dərəcə vacibdir. Əvvəllər biz iqtisadi göstəricilərə və sabit qiymətləndirmələrə əsaslanaraq və cüzi düzəlişlərlə kifayətlənərək uzunmüddətli proqnozlar tərtib edə bilirdik. Bu gün isə fikrimcə, istehsal, logistika, ticarət və ya emalda çevikliyin və sürətlə uyğunlaşma qabiliyyətinin əsas amilə çevrildiyi yeni bir reallıqda yaşayırıq", - T.Tağızadə qeyd edib.