Bu ilin yanvar-aprel aylarında Türkiyə ərazisi ilə Bakı-Tbilisi-Ceyhan (BTC) kəməri vasitəsilə 64,013 milyon barel neft nəql edilib.

Bu barədə "Report" Türkiyənin BOTAŞ şirkətinə istinadən xəbər verir.

Məlumata görə, bu, 2025-ci ilin 4 ayı ilə müqayisədə 6,741 milyon barel və ya 9,5 % azdır.

Təkcə aprel ayında isə bu kəmər vasitəsilə 16,659 milyon barel neft nəql edilib ki, bu da 2025-ci ilin aprel ayı ilə müqayisədə 1,852 milyon barel və ya 10 % azdır.

Xatırladaq ki, 2025-ci ildə Türkiyə ərazisi ilə Bakı-Tbilisi-Ceyhan (BTC) kəməri vasitəsilə 206,434 milyon barel neft nəql edilib.

Qeyd edək ki, hazırda BTC boru kəməri əsasən Azərbaycandan "Azəri-Çıraq-Günəşli" (AÇG) yataqlar blokundan hasil edilən nefti və "Şahdəniz" yatağından çıxarılan kondensatı daşıyır. Bundan əlavə, BTC vasitəsilə digər xam neft və kondensat həcmləri, o cümlədən Türkmənistan və Qazaxıstan nefti də nəql olunur.

Oxşar xəbərlər

I rübdə Türkiyə ərazisi ilə nəql olunan BTC neftinin həcmi açıqlanıb

Birinci yarımildə Türkiyə ərazisi ilə nəql olunan BTC neftinin həcmi 4 %-ə yaxın azalıb

Fevralda BTC ilə neft ixracı 1 % azalıb

Bu il BTC kəməri ilə nəql edilən tranzit neftinin həcmi 13 %-dən çox azalıb

BTC kəməri ilə indiyədək ixrac edilən Azərbaycan neftinin həcmi açıqlanıb