Bu ilin yanvar-iyun ayında Türkiyə ərazisi ilə Bakı-Tbilisi-Ceyhan (BTC) kəməri vasitəsilə 105,806 milyon barel neft nəql edilib.

Bu barədə “Report” Türkiyənin BOTAŞ şirkətinə istinadən xəbər verir.

Məlumata görə, bu, 2024-cü ilin ilk yarım ili ilə müqayisədə 4,344 milyon barel və ya 3,9 % azdır.

Təkcə bu ilin iyun ayında Türkiyə ərazisi ilə BTC kəməri vasitəsilə 17,296 milyon barel neft nəql edilib. Bu da ötən ilin eyni ayı ilə müqayisədə 1,620 milyon barel və ya 8,6 % azdır.

Xatırladaq ki, 2024-cü ildə Türkiyə ərazisi ilə Bakı-Tbilisi-Ceyhan (BTC) kəməri vasitəsilə 224,142 milyon barel neft nəql edilib.

Qeyd edək ki, hazırda BTC boru kəməri əsasən Azərbaycandan “Azəri-Çıraq-Günəşli” (AÇG) yataqlar blokundan hasil edilən nefti və “Şahdəniz” yatağından çıxarılan kondensatı daşıyır. Bundan əlavə, BTC vasitəsilə digər xam neft və kondensat həcmləri, o cümlədən Türkmənistan və Qazaxıstan nefti də nəql olunur.

Oxşar xəbərlər

Bu il BTC kəməri ilə nəql edilən tranzit neftinin həcmi 13 %-dən çox azalıb

Azərbaycanda I rübdə 7 milyon tona yaxın neft-kondensat hasil edilib

Azərbaycan 4 ayda 9 milyon tondan çox neft-kondensat hasil edib

Azərbaycan iki ayda 4 milyon tona yaxın neft-kondensat ixrac edib

Bu il Azərbaycan 22 milyon tondan çox neft-kondensat ixrac edib