Bu ilin I rübündə Türkiyə ərazisi ilə Bakı-Tbilisi-Ceyhan (BTC) kəməri vasitəsilə 47,354 milyon barel neft nəql edilib.

Bu barədə "Report" Türkiyənin BOTAŞ şirkətinə istinadən xəbər verir.

Məlumata görə, bu, 2025-ci ilin ilk rübü ilə müqayisədə 4,889 milyon barel və yaxud 9,4 % azdır. Təkcə, martda isə Türkiyə ərazisi ilə BTC kəməri vasitəsilə 16,412 milyon barel neft nəql edilib. Bu da 2025-ci ilin martına nisbətən 2,213 milyon barel və yaxud 11,9 % azdır.

Xatırladaq ki, 2025-ci ildə Türkiyə ərazisi ilə BTC kəməri ilə 206,434 milyon barel neft nəql edilib.

Hazırda BTC boru kəməri əsasən Azərbaycandan "Azəri-Çıraq-Günəşli" (AÇG) yataqlar blokundan hasil edilən nefti və "Şahdəniz" yatağından çıxarılan kondensatı daşıyır. Bundan əlavə, BTC vasitəsilə digər xam neft və kondensat həcmləri, o cümlədən Türkmənistan və Qazaxıstan nefti də nəql olunur.

Oxşar xəbərlər

Birinci yarımildə Türkiyə ərazisi ilə nəql olunan BTC neftinin həcmi 4 %-ə yaxın azalıb

Fevralda BTC ilə neft ixracı 1 % azalıb

Bu il BTC kəməri ilə nəql edilən tranzit neftinin həcmi 13 %-dən çox azalıb

Azərbaycanda I rübdə 7 milyon tona yaxın neft-kondensat hasil edilib

BTC kəməri ilə nəql edilən tranzit neftinin həcmi açıqlanıb