Azərbaycan Avropanın enerji təhlükəsizliyinin gücləndirilməsi məqsədilə qaz ixracını artırmağı və yeni layihələr vasitəsilə istehsal potensialını genişləndirməyi planlaşdırır.

"Report" xəbər verir ki, bunu Azərbaycan energetika nazirinin müavini Kamal Abbasov Bakı Enerji Həftəsinin ikinci günündə təşkil olunmuş panel müzakirələrində bildirib.

Onun sözlərinə görə, Azərbaycan Avropaya qaz tədarükünü həm uzunmüddətli müqavilələr, həm də spot satışlar vasitəsilə həyata keçirir: "Uzunmüddətli müqavilələr tərəfdaşlarımıza sabitlik, spot satışlar isə çeviklik təmin edir. Bu yanaşma Avropanın dəyişən enerji tələbatını qarşılamağa və enerji təhlükəsizliyini gücləndirməyə kömək edir".

Nazir müavini bildirib ki, Azərbaycan ilə Avropa İttifaqı arasında strateji enerji tərəfdaşlığı və imzalanmış Anlaşma Memorandumu əməkdaşlığın daha da dərinləşdirilməsinə imkan yaradır: "Azərbaycanın təsdiqlənmiş təbii qaz ehtiyatları 2,6 trilyon kubmetr təşkil edir. Ötən il ölkədə qaz hasilatı təxminən 52 milyard kubmetr olub".

Oxşar xəbərlər

Kamal Abbasov: “Azərbaycan Avropaya əlavə qaz həcmləri tədarük edə bilər”

Nazir müavini: “Daha təmiz və “yaşıl enerji”yə keçid ağıllı və çevik sistem tələb edir”

Azərbaycan və Qazaxıstan enerji sektorunda strateji tərəfdaşlıq sazişi imzalamaq istəyir

Gil Mixaeli: "Azərbaycanın enerji resursları Aİ ölkələrinin enerji təhlükəsizliyini təmin edir"

Nazir müavini: Azərbaycan qaz ixracını artırmağa hazırdır