İsrail Qüdsdə ABŞ səfirliyinin daimi binasının tikintisi üçün torpaq sahəsi ayırıb.

"Report" xəbər verir ki, bu barədə İsrailin xarici işlər naziri Gideon Saar "X" sosial şəbəkəsindəki hesabında paylaşım edib.

"ABŞ-nin İsraildəki səfiri Mayk Hakabi ilə birlikdə İsrailin paytaxtı Qüdsdə ABŞ səfirliyinin daimi binası üçün torpaq sahəsinin ayrılması barədə sazişi imzaladıq", - o yazıb.

G.Saar qeyd edib ki, ABŞ Prezidenti Donald Trampın ABŞ səfirliyinin Qüdsə köçürülməsi barədə qərarı (2018-ci ildə - red.) ən mühüm diplomatik addımlardan biri olub.

O əlavə edib ki, bu qərardan sonra bir sıra ölkələr də bu nümunəni izləyiblər: "Bu, İsrail və Birləşmiş Ştatlar arasındakı sarsılmaz ittifaqda daha bir mərhələdir. ABŞ İsrail üçün həyati əhəmiyyətli və əvəzedilməz olduğu kimi İsrail də ABŞ və onun regiondakı maraqları üçün həyati əhəmiyyət kəsb edir. Biz ölkələr arasındakı münasibətləri möhkəmləndirməyə davam edəcəyik".

Oxşar xəbərlər

İsrail ABŞ-nin Qüdsdəki Səfirliyinin inşası üçün torpaq sahəsi ayırıb

Hikmət Hacıyev Qüdsdə İsrail xarici işlər naziri Gideon Saar ilə görüşüb

İsrailin XİN rəhbəri Qüdsdə britaniyalı həmkarı ilə görüşüb

Gideon Saar: "Hizbullah" İsrail və Livan arasında əsas maneədir

Zelenski Kiyevdə İsrail XİN başçısını qəbul edib