Türkiyənin xarici işlər naziri Hakan Fidan Birləşmiş Millətlər Təşkilatının (BMT) Baş katibi Antonio Quterreşin Kipr məsələsi üzrə şəxsi nümayəndəsi (Kolumbiyanın keçmiş xarici işlər naziri) Mariya Angela Holqin Kuelyarı Ankarada qəbul edib və Kipr məsələsi ilə bağlı son proseslər qiymətləndirilib.

"Report" xəbər verir ki, bu barədə "TRT Haber" Türkiyə Xarici İşlər Nazirliyindəki mənbələrinə istinadən məlumat yayıb.

"Görüşdə Kipr məsələsi ilə bağlı son proseslər qiymətləndirilərək, şəxsi nümayəndənin ötən həftə adadakı iki liderlə həyata keçirdiyi təmaslar müzakirə edilib", - məlumatda bildirilib.

H. Fidan vurğulayıb ki, Türkiyə Kipr məsələsində ən real həllin adadakı iki dövlətin yanaşı mövcudluğu olduğuna inanır.

O, Kiprin türk əhalisinin ayrılmaz hüquqları olan suveren bərabərliyi və beynəlxalq statusu tanımayan yanaşmaların nəticə verməyəcəyini qeyd edib.

Oxşar xəbərlər

BMT-də Kipr mövzusunda genişləndirilmiş formatlı qeyri-rəsmi toplantı keçiriləcək

Hakan Fidan Ankarada Suriyanın xarici işlər naziri ilə görüşüb

Hakan Fidan BMT baş katibi ilə Rusiya-Ukrayna müharibəsini müzakirə edib

Ərdoğan: Kipr problemi iki suveren dövlətin yaradılması əsasında həll olunacaq

Türkiyə XİN ABŞ və Kipr arasında müdafiə sahəsində əldə olunan razılaşmaları pisləyib