Qətər gəmilərin Hörmüz boğazından keçməsi üçün daimi rüsumların tətbiqini dəstəkləmir, lakin gəmiçiliyin təhlükəsizliyinin təmin edilməsinə yönəlmiş müvəqqəti yığımları müzakirə etməyə hazırdır.

"Report"un "Doha News"a istinadən xəbərinə görə, bu barədə Qətərin Baş nazirinin müavini və müdafiə işləri üzrə naziri Şeyx Səud bin Əbdürrəhman Al Tani "Şanqri-La Dialoqu" təhlükəsizlik forumunda bəyan edib.

Onun sözlərinə görə, daimi rüsumlar nəticə etibarilə istehlakçıların üzərinə düşür, buna görə də Fars körfəzi ölkələri belə tədbirlərə qarşı çıxır.

Bununla yanaşı, nazir qeyd edib ki, əgər vəsaitlər xüsusilə minalardan təmizləmə və ya naviqasiyanın təhlükəsizliyinin təmin edilməsi üçün digər tədbirlərə yönəldiləcəksə, müvəqqəti yığımlar müzakirə mövzusu ola bilər.

Əvvəllər İranda Hörmüz boğazında gəmilərin hərəkətinin idarə edilməsi mexanizminin hazırlandığı, ayrı-ayrı xidmətlər üçün ödəniş alınmasının nəzərdə tutulduğu elan edilmişdi.

Oxşar xəbərlər

Meloni: Hörmüzdə rüsumların tətbiqi gözlənilməz nəticələrə gətirib çıxaracaq

Yaponiya Hörmüz boğazında beynəlxalq missiya ilə bağlı danışıqlara qoşulacaq

Qətər Hörmüz boğazından keçid üçün müvəqqəti rüsumların müzakirəsinə hazır olduğunu bildirib

Əli Musəvi: Hörmüz boğazında gəmilərin hərəkəti İranla koordinasiya olunmalıdır

Bəqai: İran və Oman tezliklə Hörmüz boğazında gəmiçiliklə bağlı yeni qaydaları müzakirə edəcək