Bakıdan kənarda yerləşən kiçik yaşayış məntəqələrində keçirilən sorğunun nəticəsinə görə, ictimai məkanlara tələbat böyükdür

"Sizinxeber.az" xəbər verir ki, bunu "Placemaking Azerbaijan" təşəbbüsünün təsisçisi Aytən Hüseynli Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində "Erkən uşaqlıq dövrü üçün ictimai məkanlar" mövzusunda çıxışı zamanı deyib.

Onun sözlərinə görə, "Playmaking Azerbaijan" xüsusilə Bakı ətrafındakı kiçik yaşayış məntəqələrində inklüziv, uşaqdostu və ümumilikdə insan mərkəzli ictimai məkanlara fokuslanan qeyri-rəsmi bir şəbəkədir:

"Biz uşaqdostu şəhərlərdən danışarkən yalnız oyun meydançalarını nəzərdə tutmuruq. Biz uşağın şəhərdə təhlükəsizlik, hərəkət azadlığı və aidiyyət hissi ilə bağlı ilk təcrübəsindən danışırıq. Əgər uşaqlar park edilmiş avtomobillərlə dolu, dar küçələr, məhdud yaşıllıq və əlçatan ictimai məkanların az olduğu mühitdə böyüyürlərsə, onların açıq havadakı həyatı binalar arasındakı kiçik boş sahələrlə məhdudlaşır. Bu isə yalnız fiziki aktivliyə deyil, sosial ünsiyyətə, müstəqilliyə və məhəllə ilə emosional bağlılığa da təsir edir".

A.Hüseynli qeyd edib ki, "Playmaking Azerbaijan" çərçivəsində Bakıdan kənarda yerləşən kiçik yaşayış məntəqəsində 55 sakin arasında icma sorğusu iştirakçıların hamısı məhəllələrində daha çox sosial və ictimai məkana ehtiyac olduğunu bildirib:

"85 % isə belə məkanların çatışmadığını qeyd etdi. Bu nəticə insanların açıq hava sosial həyatına olan ehtiyacı ilə mövcud şəhər mühiti arasındakı görünən boşluğu ortaya qoyur. İctimai məkan sadəcə memarlıq məsələsi deyil. Bu, birbaşa gündəlik həyata, xüsusilə də uşaqların və ailələrin həyatına təsir edir".

Oxşar xəbərlər

İzmir Böyükşəhər Bələdiyyəsi Bakıda sahilyanı şəhərsalma strategiyasını təqdim edib

Enn Vambui: Qeyri-rəsmi yaşayış məskənləri iqlim dəyişikliyindən ən çox zərər görən ərazilərdir

Dunja Kovari: "Bakıda ictimai məkanların insana yönəlmiş açıq sahələrə çevrilməsinə diqqət artırılır"

UNECE rəsmisi: "Xarkovda müharibədən zərər görmüş ərazilərin bərpası praktiki mərhələyə keçir"

Rəşad Əzizov: Azərbaycan UNESCO-nun Yaradıcı Şəhərlər Şəbəkəsindən dayanıqlı inkişaf aləti kimi istifadə etməlidir