İqlim siyasəti sahəsində danışıqlar prosesi son dərəcə qeyri-bərabər olaraq qalır, bir çox qərarların "istisna hallar" kimi qəbul edilməsi isə mövcud beynəlxalq və insan hüquqları normalarının sadəcə nəzərə alınmamasına gətirib çıxarır.

"Sizinxeber.az" xəbər verir ki, bunu International Institute for Environment and Development (IIED) təşkilatının yaşayış məntəqələri ilə bağlı məsələlər üzrə aparıcı tədqiqatçısı Aleksandr Frediani WUF13 çərçivəsində keçirilən tədbirdə bəyan edib.

Onun sözlərinə görə, iqlim dəyişikliyinin nəticələrinə birdəfəlik fəlakətlər kimi baxmaq olmaz, çünki onlar artan xarakter daşıyır və gündəlik olaraq insanların həyatına təsir göstərir. Bununla əlaqədar dövlətlərə növbəti fövqəladə hadisəyə sadəcə reaksiya vermək deyil, sistemli yanaşma lazımdır.

Ekspert həmçinin qərarların qəbulu prosesində vətəndaş cəmiyyətinin iştirakını və ədaləti təmin edəcək aydın beynəlxalq nəzarət mexanizmlərinin tətbiqinə çağırıb. Onun fikrincə, bu, hökumətlərin hesabatlılığının artırılmasına və humanitar standartlara riayət olunmasına töhfə verəcək.

Oxşar xəbərlər

Nazir: İqlim dəyişmələri vətəndaşların gündəlik həyatına da təsir edir

Lüsi Erl: Humanitar təşkilatlar qeyri-rəsmi mənzil sahibliyi formalarını nəzərə almalıdır

Nazir müavini: İqlim dəyişikliyi yalnız insanların deyil, bütün canlıların sağlamlığına təsir edir

İrakli Kobaxidze: COP29-un keçirilməsi kritik bir vaxta təsadüf edir

Pakistan iqlim dəyişikliyinin təsirlərini aradan qaldırılması məqsədilə  iqlim diplomatiyasını gücləndirməyə çağırır