Attestasiya imtahanından keçməyən bəzi müəllimlərin aqibətinə aydınlıq gətirilib.

“Sizinxeber.az” xəbər verir ki, bu barədə mədəniyyət nazirinin müşaviri Cəsarət Valehov jurnalistlərə açıqlamasında deyib.

Onun sözlərinə görə, Mədəniyyət Nazirliyi attestasiya imtahanından beş ekspertin üçündən mənfi, ikisindən müsbət alan incəsənət müəllimləri üçün ikinci şans yaradacaq:

“Mədəniyyət Nazirliyinin tabeliyindəki üç məktəbdə həmin müəllimlər üçün ixtisaslı mütəxəssislər tərəfindən təlimlər keçirilir. Məqsəd ondan ibarətdir ki, həmin müəllimlər növbəti mərhələdə Dövlət İmtahan Mərkəzinin test və müsahibə mərhələlərindən uğurla keçə bilsinlər. Əgər bu mərhələləri uğurla başa vursalar, onlara əvvəlki iş yerlərində yenidən pedaqoji fəaliyyətlə məşğul olmaq imkanı yaradılacaq”.

Nazir müşaviri bildirib ki, attestasiya prosesinin birinci mərhələsində bu kateqoriyaya aid 110-dan artıq müəllim olub. İkinci mərhələdə də bu istiqamətdə işlər davam etdiriləcək.

Oxşar xəbərlər

Mədəniyyət Nazirliyi incəsənət məktəblərində məzmun istalahatı keçirməyi planlaşdırır

500-ə yaxın musiqi müəllimi attestasiya imtahanından keçməyib

Musiqi müəllimlərinin attestasiya nəticələrinə uyğun təlimlər başlanılır