Xəzər dənizindəki problem təkcə ətraf mühiti deyil, həm də ondan asılı olan milyonlarla insanı təhdid edir.

"Sizinxeber.az" xəbər verir ki, bunu QHT-lərə Dövlət Dəstəyi Agentliyinin icraçı direktoru Aygün Əliyeva COP29 çərçivəsində keçirilən "Xəzər dənizi və davamlı inkişaf: Ətraf mühitin mühafizəsi" adlı forumda deyib.

Onun sözlərinə görə, Xəzər dənizi də iqlim dəyişikliyinin təsirlərinə məruz qalır:

"İqlim dəyişikliyi, məsuliyyətsiz insan fəaliyyəti öz təsirini göstərir və sübutlar göz önündədir. İldən-ilə dəniz daha da geri çəkilir. Bu vəziyyət bizim yaratdığımız problem deyil, sərhədlərimizdən kənarda olan qüvvələrin işidir. Çünki Xəzəri qidalandıran çayların mənbəyi ölkə ərazisindən kənarda yerləşir".

A.Əliyeva bildirib ki, Xəzər dənizinin üzləşdiyi problemlə bağlı təcili və cəsarətli tədbirlər görülməsə, geridönüş mümkün olmayacaq:

"Xəzər dənizindəki problem təkcə ətraf mühiti deyil, həm də ondan asılı olan milyonlarla insanı təhdid edir. Biz humanitar böhranla üzləşirik. Saysız-hesabsız insanın dolanışığı, mədəniyyəti və gələcəyi təhlükə altındadır".

İcraçı direktor Xəzər dənizindəki problemin həll etmək üçün regional əməkdaşlığa və qlobal həmrəyliyə diqqət çəkib.

Oxşar xəbərlər

Professor-okeanoloq: COP29 Xəzərin problemlərinin müzakirəsi üçün mühüm platforma olacaq

Alim-okeanoloq: Xəzər dənizinin səviyyəsinin daha da aşağı düşməsi balıqçılıq üçün fəlakət deməkdir

Rusiyalı diplomat: Xəzər regionunun birləşdirici rolu artacaq

Rusiya XİN Xəzər dənizi üzrə danışıqların əsas məqsədini açıqlayıb

Aygün Əliyeva: İnsan kapitalının gücləndirilməsi ilə Türk coğrafiyasının inkişafına nail olmaq olar