COP29 "Yaşıl Zona"sında "İqlim dəyişmələrinə qarşı mübarizədə ali təhsilin rolu: liderlik, innovasiya və təsir gücü" mövzusunda panel müzakirəsi keçirilib.

"Report"un məlumatına görə, BMT-nin Təlim və Tədqiqat İnstitutunun təşəbbüsü ilə keçirilən tədbirdə bir sıra tanınmış ali təhsil müəssisələrinin təmsilçiləri iştirak ediblər.

Qurumun İnsanlarla iş üzrə şöbəsinin direktor müavini Ebru Canan Sokullu bildirib ki, bugünkü tədbir ali təhsil müəssisələrinin tədqiqat, siyasət müzakirələri və dayanıqlılıq və ətraf mühit sahəsində liderlik mövzusunda gələcək liderlərə təlim vasitəsilə iqlim fəaliyyətinə necə təkan verə biləcəyini araşdırmaq üçün ekspertləri bir araya gətirib.

Onun sözlərinə görə, iqlim dəyişmələri qlobal miqyasda görünməmiş problemlər yaratmağa davam etdikcə ali təhsil müəssisələrinin rolu liderlərin formalaşmasında, innovasiyaların təşviqində və dayanıqlılığın təmin edilməsində getdikcə daha mühüm əhəmiyyət kəsb edir.

Tədbirdə həmçinin vurğulanıb ki, ali təhsil müəssisələri tədqiqat aparmaq, siyasət müzakirələrini təşviq etmək və iqlim dəyişmələrinin mürəkkəb problemlərini həll etməyə qadir olan gələcək liderləri hazırlamaqda ön sıralardadır.

Qeyd olunub ki, bir neçə ali təhsil müəssisəsi və BMT-yə bağlı təlim mərkəzləri ali təhsilin iqlim fəaliyyətinə necə töhfə verə biləcəyini müzakirə etmək məqsədilə düşüncə liderləri və ekspertləri bir araya toplamaq üçün unikal imkanlara malikdir.

Panel mövzu ətrafında fikir mübadiləsi ilə davam edib.

FOTO: Məhəmməd Ağayev

Oxşar xəbərlər

BMT nümayəndəsi: Azərbaycanın iqlim dəyişikliyi ilə mübarizəsi bu işə böyük töhfə olacaq

Bahçeşehir Universitetinin rektoru: İqlim dəyişmələrinə qarşı mübarizədə ictimaiyyəti də maarifləndirməyə çalışırıq

Elm və Təhsil Nazirliyi COP29-la əlaqədar tədbirlər planı hazırlayıb

Azərbaycan təbii sərvətlərlə zəngin ölkələrin iqlim dəyişikliyi ilə mübarizədə liderlik etməsini təklif edir

Dini Liderlərin Qlobal Sammitinin ilk iş günü başa çatıb