Cənubi Afrika Respublikası Konqo Demokratik Respublikası və Uqandada yayılan Ebola virusu ilə mübarizəyə dəstək məqsədilə 2,5 milyon dollar vəsait ayırıb.

Sizinxeber.az xəbər verir ki, bu barədə Afrika Xəstəliklərə Nəzarət və Profilaktika Mərkəzi məlumat yayıb.

Qurumun bəyanatında bildirilib ki, bu yardım Afrikada ictimai səhiyyə təhlükələrinin artdığı və infeksiyanın sərhədlərarası yayılması riskinin yüksəldiyi bir dövrdə qitənin həmrəyliyini nümayiş etdirir.

Vurğulanıb ki, ayrılan vəsait epidemioloji nəzarət, laboratoriya sistemlərinin gücləndirilməsi, operativ müdaxilə, infeksiyaların qarşısının alınması və sərhəd hazırlığı kimi istiqamətlərdə istifadə olunacaq.

Bundan əlavə, yardımın Ebola virusundan zərər çəkmiş icmalara dəstək məqsədi daşıdığı qeyd edilib.

Oxşar xəbərlər

ÜST Ebola epidemiyasına görə Konqo və Uqandada fövqəladə vəziyyət elan edib

Bəhreyn Ebola səbəbindən üç Afrika ölkəsindən girişə məhdudiyyət qoyub

Konqoda Ebola epidemiyasının yeni dalğası qeydə alınıb

Afrikada Ebola həyəcanı: 65 nəfər öldü

Uqandada Ebola virusu əleyhinə peyvəndin sınaqlarına başlanılacaq