Türkiyə Prezidenti Rəcəb Tayyib Ərdoğan ABŞ Prezidenti Donald Trampla telefon danışığı aparıb.

Sizinxeber.az-nın Türkiyə bürosunun xəbərinə görə, bu barədə Türkiyə Prezident Administrasiyasının Kommunikasiya İdarəsi məlumat yayıb.

Bildirilib ki, liderlər telefon danışığı zamanı Türkiyə-ABŞ ikitərəfli münasibətlərini, həmçinin regional və qlobal məsələləri müzakirə ediblər.

Ərdoğan regiondakı münaqişə prosesində atəşkəsin uzadılması qərarını müsbət addım kimi qiymətləndirdiyini bildirib. Türkiyə lideri mübahisəli məsələlərdə məntiqli həllin mümkün olduğuna inandığını və irəli sürülən konstruktiv təşəbbüslərə dəstəyin davam edəcəyini vurğulayıb.

Türkiyə Prezidenti qeyd edib ki, Suriyada sabitliyin təmin olunması bütün region üçün mühüm əhəmiyyət daşıyır və Ankaranın Suriyaya dəstəyi fasiləsiz davam edəcək.

Ərdoğan, həmçinin bir neçə gün əvvəl ABŞ-ın San Dieqo şəhərində yerləşən məscidə edilən hücumla bağlı Donald Trampa başsağlığı verib. O, Türkiyənin hansı dini qrupa qarşı yönəlməsindən asılı olmayaraq bütün nifrət cinayətlərinə qarşı olduğunu bildirib.

Oxşar xəbərlər

Ərdoğan və Pezeşkian arasında telefon danışığı baş tutub

Ərdoğan Trampla İsrail-İran münaqişəsini müzakirə edib

Türkiyə Prezidenti və NATO Baş katibi arasında telefon danışığı olub

Ərdoğan və Donald arasında telefon danışığı baş tutub

Ərdoğan Starmerə Qəzzada atəşkəs üçün İsrailə təzyiqin vacibliyini vurğulayıb