Bəzi qüvvələr Kulevi layihəsi ilə bağlı yalan məlumatlar yayaraq Gürcüstanı və gürcü xalqını cəzalandırmağa çalışıblar.

"Report"un yerli bürosu xəbər verir ki, bu sözləri Gürcüstanın Baş naziri İrakli Kobaxidze "Imedi LIVE" verilişində bildirib.

Onun sözlərinə görə, neftlə bağlı yayılan iddialar həqiqəti əks etdirmir və son nəticədə bu məlumatların yalan olduğu ortaya çıxıb.

"Kulevi haqqında yalanlar yayırdılar və neftlə bağlı olan bu yalan əsasında gürcü xalqını cəzalandırmaq istəyirdilər. Sonda bu, o qədər açıq-aşkar yalan idi ki, məsələni həmin həddə çatdıra bilmədilər".

Baş nazir qeyd edib ki, məhz bu fonda Böyük Britaniyanın sanksiyaları yumşaltmaq qərarı diqqət çəkir. İrakli Kobaxidzenin sözlərinə görə, beynəlxalq siyasətdə ikili standartlar açıq şəkildə görünür və bəzi dairələr Gürcüstana münasibətdə ədalətli yanaşma sərgiləmir.

O bildirib ki, müxtəlif siyasi qüvvələr öz praqmatik maraqlarına uyğun hərəkət edir, lakin Gürcüstan hökumətinin əsas məqsədi milli maraqları, sülhü, sabitliyi və rifahı qorumaqdır.

"Bizim praqmatik marağımız gürcü xalqının istəyini qorumaqdır. Bu isə sülh, sabitlik və rifahdır", – deyə Baş nazir vurğulayıb.

Oxşar xəbərlər

İrakli Kobaxidze: Bəzi qüvvələr Gürcüstanda müharibənin başlamamasını qəbul edə bilmir

Gürcüstanın Baş naziri Blinkeni yalan danışmaqda ittiham edib

Külevi limanı ilə bağlı sanksiya məsələsi gündəmdən çıxarılıb

İrakli Kobaxidze: Estoniya parlamentinin bəyanatı gürcü xalqının iradəsinə hörmətsizliyi göstərir

İrakli Kobaxidze: Rusiyanın Gürcüstana təsiri yoxdur