Azərbaycan hər zaman humanizm prinsiplərini rəhbər tutaraq itkin düşmüş şəxslər probleminin həlli ilə bağlı məsələnin sülh və etimad quruculuğu prosesinin mühüm tərkib hissəsi olduğunu bəyan edib.

"Sizinxeber.az" xəbər verir ki, bunu xarici işlər nazirinin müavini, Əsir və itkin düşmüş, girov götürülmüş vətəndaşlarla əlaqədar Dövlət Komissiyasının üzvü Elnur Məmmədov "İtkin düşmüş şəxslər məsələsinin həllində müasir yanaşmalar və əməkdaşlığın gücləndirilməsi" mövzusunda keçirilən beynəlxalq konfransda deyib.

Onun sözlərinə görə, münaqişə reallığı bu humanitar normaların kobud şəkildə pozulmasının bariz nümunəsidir:

"İtkin düşmüş şəxslər probleminin həlli yalnız bir ölkənin deyil, bütün tərəflərin birgə səylərini və şəffaf əməkdaşlığını tələb edir. İtkin düşmüş hər bir ailənin faciəsi var. Azərbaycan bu problemlə 30 ildən artıqdır ki, üz-üzədir. İtkin dşümüş şəxslər məsələsi qlobal humatinar gündəmin priotet mövzusudur".

Nazir müavini deyib ki, ​Azərbaycan 2020-ci il noyabr ayından etibarən heç bir qisasçılıq hissi güdmədən döyüş meydanında tapılmış təxminən 2000-dən artıq erməni hərbçinin qalıqlarını qarşı tərəfə təhvil verib:

"Hərbçilərimiz bu axtarışları çətin hava şəraitində və yüksək mina təhlükəsi altında həyata keçiriblər".

Oxşar xəbərlər

Bu ilin oktyabrında Azərbaycanda İtkin düşmüş şəxslər üzrə Bakı Dialoqu keçiriləcək

İlham Əliyev itkin düşmüş şəxslər probleminin həlli mövzusundakı konfransın iştirakçılarına müraciət ünvanlayıb

Bakıda “İtkin düşmüş şəxslər probleminin həlli" ilə bağlı konfrans BMT Baş Assambleyasının və Təhlükəsizlik Şurasının rəsmi sənədi kimi yayılıb

İtkin düşmüş şəxslərlə bağlı Bakıda keçirilən beynəlxalq konfransın yekun bəyanatı qəbul edilib

Ötən ay Ağdərədə Birinci Qarabağ müharibəsində itkin düşmüş 15-ə yaxın şəxsə aid sümük qalıqları aşkarlanıb