Qambiya Respublikasının Prezidenti Adama Barrou azərbaycanlı həmkarı İlham Əliyevə 28 May – Müstəqillik Günü münasibətilə təbrik məktubu ünvanlayıb.

"Report" məktubu təqdim edir:

"Zati-aliləri.

Ölkənizin Müstəqillik Günü münasibətilə Qambiya Respublikası Hökuməti və xalqı adından Sizə, Azərbaycan Respublikası Hökumətinə və xalqına ən səmimi təbriklərimi və ən xoş arzularımı çatdırmaqdan məmnunam.

Qambiya Respublikası ilə Azərbaycan Respublikası arasında qarşılıqlı hörmətə, ortaq dəyərlərə və beynəlxalq əməkdaşlığın, inkişafın təşviqi ilə bağlı birgə səylərə əsaslanan uzunmüddətli dostluq münasibətləri inkişaf etmişdir.

Qəti şəkildə əminəm ki, müdrik rəhbərliyinizlə ölkələrimiz və xalqlarımız arasında təhsil, gənclərin inkişafı və bu sahələrdə potensialın artırılması istiqamətlərində əməkdaşlıq qarşılıqlı fayda naminə dərinləşməkdə davam edəcək.

Fürsətdən istifadə edərək ölkələrimiz arasında ikitərəfli münasibətlərin daha da möhkəmləndirilməsində Sizinlə işləməyə hazır olduğumu bir daha təsdiq edirəm.

Bu əlamətdar bayram münasibətilə Sizə və Azərbaycan xalqına rifah arzulayıram".

Oxşar xəbərlər

Dünya liderləri Prezident İlham Əliyevi təbrik edirlər

Albaniyanın Baş naziri Edi Rama Azərbaycan Prezidentini təbrik edib

Maldiv dövlət başçısı Prezident İlham Əliyevi təbrik edib

Thonqlun Sisulit: Laos ilə Azərbaycan arasında mövcud əməkdaşlıqdan çox məmnunam

Məhəmməd Muizzu: Əminəm ki, Maldiv-Azərbaycan dostluq münasibətləri gələcək illərdə də inkişaf edəcək