Ukraynalı politoloq: İstanbulda heç bir irəliləyiş və real nəticələr gözləmək lazım deyil

İstanbul danışıqlarından heç bir irəliləyiş və real nəticələr gözləmək lazım deyil.

Bunu "Report"un Şərqi Avropa bürosuna açıqlamasında, Ukraynadan olan politoloq Maksim Yali deyib.

"De-fakto bunu artıq dünən ABŞ Prezidenti Donald Tramp da təsdiqləyib. O bildirdi ki, onun Rusiya lideri Vladimir Putin ilə şəxsi görüşünə qədər hətta atəşkəs məsələsi də həll olunmayacaq. Ümumiyyətlə heç nə həll olunmayacaq. Bu, Mayk Rubionun danışıqlarda iştirak etməyəcəyi ilə də təsdiqlənir.

Səbəb kimi Rusiya tərəfinin aşağı səviyyədə təmsil olunması göstərilib. Bu, əvvəlcədən heç bir irəliləyiş gözləməmək barədə bir siqnaldır. Bir daha təkrar edirəm, hətta 30 günlük atəşkəs olsa belə, heç bir irəliləyiş və real nəticələr gözləmək lazım deyil", - əlavə edib.