Türkiyənin beynəlxalq aləmdəki rolunu çox müsbət qiymətləndiririk.

“Sizinxeber.az” xəbər verir ki, bunu NATO xarici işlər nazirlərinin iclasında iştirak etmək məqsədilə Türkiyənin Antalya şəhərində səfərdə olan Latviyanın xarici işlər naziri Bayba Braje "CNN Türk"ə müsahibəsində deyib.

O bildirib ki, Türkiyə Ukraynanın ərazi bütövlüyünü dəstəkləyərək konstruktiv mövqe ortaya qoyur: “Türkiyə bir çox məsələdə, o cümlədən əsirlərin mübadiləsində və danışıqlarda mühüm rol oynayır”.

Nazir, həmçinin qeyd edib ki, Ankara NATO-nun mühüm tərəfdaşıdır: “Xəritədən də məlum olur ki, bütün cənub qanadımız Türkiyədir. Məsafə baxımından uzaq olmağımıza baxmayaraq, Türkiyə bizim üçün də çox önəmlidir. Türkiyə böyük gücdür”.

Diplomat, həmçinin müdafiə sənayesi sahəsində rəsmi Ankara ilə əməkdaşlığın inkişafından danışıb.

Oxşar xəbərlər

Hakan Fidan NATO XİN rəhbərlərinin iclasında iştirak edəcək

Ankara və Stokholm İsveçin NATO üzvlüyünün ratifikasiyasını müzakirə edib

Ceyhun Bayramov: "Türkiyənin 100 illiyi bütün türk dünyası üçün qürur mənbəyidir"

Türkiyə XİN: Ukraynadakı müharibənin ən qısa zamanda başa çatmasını istəyirik

Ömer Çelik: Türkiyə Cənubi Qafqazda sülh üçün açar rolunu oynayır