Türkiyənin xarici işlər naziri Hakan Fidan aprelin 3-4-də Brüsseldə keçirilməsi planlaşdırılan NATO xarici işlər nazirlərinin iclasına qatılacaq.

Bu barədə “Sizinxeber.az”un Ankara bürosuna Türkiyə Xarici İşlər Nazirliyindən məlumat verilib.

Bildirilib ki, toplantı ABŞ-ın yeni administrasiyası ilə digər müttəfiqlər arasında ilk kütləvi görüş olacaq.

Sessiyalarda Hakan Fidanın Türkiyənin müasir hərbi imkanları və qabaqcıl müdafiə sənaye infrastrukturu, Avroatlantik, Asiya-Sakit Okean regionlarının təhlükəsizliyi, NATO-nun cənub-şərq cinahında kritik mövqedə olan Türkiyə, Avropa təhlükəsizliyinin gələcəyi ilə bağlı proseslərdəki rolu, Türkiyənin Ukraynanın müstəqilliyi, suverenliyi və ərazi bütövlüyü, davamlı atəşkəs və sülhün təmin edilməsi üçün dəstəyi və bu kimi məsələlərlə bağlı çıxışları nəzərdə tutulur.

Oxşar xəbərlər

Hakan Fidan NATO-nun Baş katibi ilə görüşüb

Türkiyənin xarici işlər naziri Hakan Fidan Bakıya gəlib

Hakan Fidan Aİ-nin ali nümayəndəsi ilə görüşüb

Hakan Fidan Qətərə səfər edəcək

Ceyhun Bayramovla Hakan Fidanın görüşü başladı