ABŞ və İran dinc nüvə enerjisini inkişaf etdirmək qabiliyyətini saxlamağa imkan verən sazişi müzakirə edirlər.

"Report"un Oman Xarici İşlər Nazirliyinin bəyanatına istinadən verdiyi məlumata görə, danışıqlar İranın nüvə silahının hazırlanmasından imtina etməsini və ona qarşı tətbiq olunan sanksiyaları ləğv etməlidir.

"Tərəflər İranın nüvə silahından və sanksiyalardan tam azad olmasını təmin edəcək, həmçinin dinc nüvə enerjisini inkişaf etdirmək qabiliyyətini qoruyub saxlayacaq ədalətli, davamlı və məcburi sazişin bağlanmasına yönəlmiş danışıqların növbəti mərhələsinə keçmək barədə razılığa gəliblər", – bəyanatda vurğulanıb.

Qeyd edək ki, bu gün Romada İran və ABŞ arasında nüvə sazişi üzrə məsləhətləşmələrin ikinci raundu baş tutub. Oman iki ölkə arasında dolayısı danışıqlarda vasitəçi kimi çıxış edib.

Oxşar xəbərlər

Oman XİN ABŞ-İran danışıqlarının ikinci mərhələsinin vaxtını təsdiqləyib

Bəqayi: Tehran ABŞ ilə nüvə danışıqlarını davam etdirəcək

İran XİN başçısı ABŞ ilə nüvə sazişi üzrə danışıqlar aparmaq üçün Romada səfərdədir

Romada ABŞ-İran danışıqlarının ikinci raundu başlayıb

İran XİN rəhbəri: Oman danışıqları zamanı ABŞ-nin niyyətinin ciddiliyinə şahid olduq