İranın BMT-dəki missiyası Tehranın nüvə proqramı üzrə danışıqların bərpası perspektivlərini müzakirə etməyə hazır olduğunu bəyan edib.

“Report” xəbər verir bu barədə daimi nümayəndəliyinin “X” səhifəsində bildirilib.

Eyni zamanda, iranlı diplomatlar nüvə proqramından tam imtina tələblərinin qəbuledilməzliyini vurğulayıblar: “Əgər danışıqların məqsədi İranın nüvə proqramının potensial hərbiləşdirilməsi ilə bağlı narahatlıqları aradan qaldırmaqdırsa, o zaman belə məsələlər müzakirə oluna bilər. Ancaq danışıqların məqsədi ABŞ-nin 44-cü prezidenti Barak Obamanın əldə edə bilmədiyi, yəni İranın “sülh məqsədli” nüvə proqramının ləğvi olacaqsa, o zaman belə danışıqlar heç vaxt baş tutmayacaq”.

Bu yaxınlarda ABŞ bəyan edib ki, İranın nüvə proqramı məsələsinin hərbi yolla həllini istisna etmir, lakin problemi dialoq yolu ilə nizamlanmasını istəyir.

Buna cavab olaraq İranın xarici işlər naziri Abbas Əraqçi deyib ki, İran Tehrana qarşı maksimum təzyiq və təhdid siyasətini davam etdirdiyi müddətdə ABŞ ilə birbaşa danışıqlara getməyəcək.

Oxşar xəbərlər

XİN: İran ABŞ ilə təzyiq altında danışıqlar aparmaq niyyətində deyil

BAEA rəhbəri İranın nüvə obyektlərinə baş çəkib

Bayden İsrailin İranın nüvə obyektlərinə zərbələrini dəstəkləməyib

İran Avropa ilə nüvə sazişi üzrə danışıqların bərpa olunacağını açıqlayıb

KİV: İranın BMT missiyası Trampın Xameneiyə məktubunu almayıb