Tacikistan və Qırğızıstan prezidentləri Emoməli Rəhmon və Sadır Japarov iki ölkə arasında sərhəd müqaviləsinin ratifikasiya sənədlərinin mübadiləsinə dair protokol imzalayıblar.

“Report” xəbər verir ki, mərasim Tacikistanın Suqd vilayətinin inzibati mərkəzi olan Xucand şəhərində baş tutub.

Martın 13-də dövlət başçıları ölkələr arasında mübahisəli ərazilərlə bağlı təxminən 23 il davam edən danışıqlardan sonra Bişkekdə sərhəd sazişi imzalayıblar. Daha sonra saziş hər iki ölkənin parlamentləri tərəfindən ratifikasiya edilib.

Qırğızıstanla Tacikistan arasındakı sərhədin uzunluğu təqribən 980 km-dir. Onun delimitasiyası ilə bağlı danışıqlar 2002-ci ilin dekabrından davam edir. Bu məsələnin həll olunmaması dəfələrlə iki ölkənin yerli sakinləri və hərbçilərinin iştirakı ilə münaqişələrə, o cümlədən odlu silahdan istifadəyə səbəb olub.

Bunlardan sonuncusu 2022-ci ilin payızının əvvəlində baş verib. Ümumilikdə, 2014-cü ildən bəri Qırğızıstan-Tacikistan sərhədində 10-dan çox ciddi münaqişə baş verib.

Oxşar xəbərlər

Sadır Japarov və Emomali Rəhmon iki ölkə arasında sərhəd sazişi imzalamağı planlaşdırırlar

Tacikistan və Qırğızıstan arasında sərhəd açılacaq

Qırğızıstan Prezidenti: Bişkek və Düşənbə sərhədlərin delimitasiyasını başa çatdırıb

Qırğızıstan və Tacikistan prezidentləri dövlət sərhədi üzrə müqavilə imzalayıblar

Emoməli Rahmon: Tacikistan və Qırğızıstan hava əlaqələrini bərpa edir